Charter Document - 03290129
| Charter Number: | 03290129 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1218 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens carta pervenerit Willelmus dei gratia London episcopus salutem in domino Opus pietatis est et episcopali dignum officio illorum securitati et quieti in posterum prospicere qui a seculari tumultu elongari cupientes ad claustrales angustias et artioris vite religionem se transtulerunt Eapropter attendentes honestatem et necessitatem dilectorum nobis in Cristo prioris et conventus de Hurleia beneficia que ex donatione Goffridi de Magna Villa et successorum suorum quantum ad laicam pertinet potestatem et sicut ex inspectione cartarum quas super hoc habent cognovimus in diocesi nostra sunt assecuti eis auctoritate pontificali imperpetuum confirmavimus ita ut eadem beneficia integre quiete et pacifice sicut temporibus antecessorum nostrorum ea possiderunt imperpetuum et sine diminutione possideant Que etiam propriis nominibus duximus designanda videlicet in villa de Walden de toto dominico tertiam partem decimarum de blado preterea et omnes minutas decimas de dominico eiusdem ville in lino lana pullis caseo vitulis et porcis cum integra decima totius pomagii et in omnibus que decimantur in ortis gardinis et vineis de eodem dominico exceptis decimis de agnis eiusdem dominici de quibus monachi de Hurleia habent duas partes et ecclesia de Waleden tertiam partem Simili modo eisdem monachis confirmamus decimas de dominico de Sabrisworth et de Thorleia et de Wiggefosse de Mose Waltham iuxta Plesset et de Estra et de Mymmes de Senleia de Bissexa et de Northale tam in blado quam in minutis decimis et totam decimam pomagii tam in porcis quam in denariis de parco de Enefeld et decimam [] nutrimenti eiusdem parci sicut in supramemoratis cartis donatorum fundi continetur Ut ratum sit et firmum auctoritatis munimine duximus confirmandum salvis tamen in omnibus iure auctoritate et dignitate ecclesie nostre et nostra et successorum nostrorum Dat apud Hadham vi Kalendas Decembris anno pontificatus nostri vicesimo