Charter Document - 03290120
| Charter Number: | 03290120 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1218 |
| Date type: | Assigned |
| Resource Link(s): |
|
Charter:
Willelmus Londoniensis Petro Wintoniensis Ricardus Cicestrensis Willelmus Wigorniensis dei gratia episcopi Willelmus Marescallus comes Penbrochie Huberto de Burgo iusticiarius Anglie Willelmo Briwer Falkesius de Breaute omnibus mercatoribus ad quos littere presentes pervenerint salutem Noverit universitas vestra quod pro pecunia sex milium marcarum quas fideles nuntii domini regis Ricardus Cicestrensis episcopus Petrus Sarracenus civis Romanus Galfridus de Caleto et frater Ricardus monachus de Abbendon vel duo aut tres ex ipsis mutuo accipient de vobis pro negotiis domini regis Anglie in curia Romana promovendis fidei iubemus et manu capimus quod dicta pecunia vobis solvetur prout convenerit inter vos et dictos nuncios vel duos aut tres ex ipsis secundum quod carta domini regis testatur Et ad hoc faciendum obligavimus nos et nostra donec totum debitum vobis integre fuerit solutum In cuius facti testimonium vobis litteras istas sigillis nostris roboratas transmittimus