Charter Document - 03290117

Willelmus dei gratia Lond episcopus omnibus Cristi fidelibus ad quos presens scriptum pervenerit eternam in domino salutem Inspectis scriptis auctenticis I dei gratia illustris regis Angl necnon et venerabilis patris nostri H Cantuar archiepiscopi perpendimus donationem abbatie de Waleden dilecto filio nostro G filio Petri comiti Essex tanquam vero patrono et heredibus suis perpetuo a iam dicto illustri rege fuisse concessam que ad quorumdam suggestionem et persuasionem tempore bone memorie regis Ricardi de prioratu qui ad donationem comitis Willelmi de Mandevill et antecessorum suorum tanquam ad donationem patronorum pertinebat in abbatiam conversa fuit et donationem eiusdem abbatie idem rex Ricardus sibi retinuit in grave dampnum et dispendium iuris ipsius comitis W et heredum suorum Memoratus siquidem rex Iohannes qui ei successit accepta regni corona cum plenius de premissis esset instructus donationem abbatie de Waleden predicto G filio Petri comiti Essex et heredibus suis ad quos hereditas predicti W comitis devoluta est cum omnibus ad eandem abbatiam pertinentibus libertatibus et liberis consuetudinibus sicut prefatus comes W donationem prioratus habuit plene restituit concessit et carta sua confirmavit Nos igitur eandem donationem concessionem et restitutionem quam secundum deum factam esse cognovimus ratam et inconcussam permanere volentes eam ipsi G et heredibus suis episcopali auctoritate qua fungimur confirmamus et presenti scripto necnon et sigilli nostri appositione communimus salvo iure London ecclesie quod in eadem abbatia episcopatus London habere consuevit Testibus hiis R London decano A London archidiacono Ricardo archidiacono Colecestr Willelmo de Ely thesaurario Roberto de Cliford Alano capellano magistro Benedicto canonicis sancti Pauli Hugone Pevrel precentore sancti Martini Lond magistro Aimerico et pluribus aliis