Charter Document - 03290115
| Charter Number: | 03290115 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1220 |
| Date type: | Internal, A.D., Episcopal |
| Resource Link(s): |
|
Charter:
Omnibus sancte matris ecclesie filiis presentes literas inspecturis Willelmus dei gratia London episcopus salutem in domino sempiternam Ad universitatis vestre notitiam volumus pervenire nos ad presentationem dilectorum in Cristo filiorum abbatis et conventus de Evesham ad quos ius patronatus ecclesie de Hildend[o]n dinoscitur pertinere dilectum filium magistrum Walterum de Longed[o]n ad predictam ecclesiam cum omnibus ad eam pertinentibus admisisse ipsumque in ea solempniter instituisse personam salva in eadem prefatis abbati et conventui antiqua et debita pensione Quod ut perpetue robur optineat firmitatis presenti scripto ac nostri sigilli munimine duximus confirmandum His testibus magistro Radulfo de Besatia et magistro Willelmo de Puil magistro Iohanne de Storteford Martino de Bocking Radulfo de Herloul Rogero de Lond Stefaneo de Hessalaula qui hoc scripsit et aliis Dat London anno domini MCCXX quinto Idus Decembris pontificatus nostri vero anno vicesimo secundo