Charter Document - 03290112
| Charter Number: | 03290112 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1221 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus sancte matris ecclesie filiis presens scriptum inspecturis Willelmus dei gratia London episcopus salutem in domino sempiternam Ex oblato nobis venerabilis fratris nostri ac predecessoris pie memorie Gileberti quondam Lond episcopi scripto auctentico perpendimus evidenter ipsum predecessorem nostrum dilectis in Cristo filiis abbati et monachis sancti Iohannis Colecestr ecclesiam de Ardleia cum decimis et obventionibus et omnibus ad eandem ecclesiam pertinentibus ad eorum domus abundantiorem sustentationem in usus proprios convertendam in perpetuum concessisse salva competenti sustentatione capellani in eadem pro tempore ministrantis Nos igitur eiusdem predecessoris nostri factum pium et laudabile plurimum in domino commendantes eiusque vestigiis inherentes concessionem eius et factum super ecclesia predicta rata habemus et grata concedentes quantum ad episcopalem pertinet dignitatem ut predicti abbas et monachi ipsam ecclesiam cum omnibus ad eam pertinentibus libere habeant et pacifice possideant ut persone fructus eiusdem omnes in usus suos proprios convertendo salva ut premissum est competenti et sufficienti sustentatione capellani in dicta ecclesia ministrantis Quod ut firmum et stabile in perpetuum perseveret presens scriptum sigilli nostri munimine duximus confirmandum Hiis testibus magistris Willelmo archidiacono Lond Willelmo archidiacono Middelsex Willelmo de Purl et Willelmo Andeg canonicis Lond Martino de Bocking Stephano de Esseleia Radulfo de Herlaue et Rogero de London clericis et aliis Dat apud Subbeh anno Domini MCCXX xvii Kalendas Februariis pontificatus nostri anno vicesimo secundo