Charter Document - 03290091
| Charter Number: | 03290091 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Petition |
| Date: | 1205 |
| Date type: | Assigned |
| Resource Link(s): |
|
Charter:
Sanctissimo patri ac domino I dei gratia summo pontifici W Lond G Roffen H Exon H Sarr H Landav G Coventr E Elyen M Wigorn I Norwic G Hereford W Linc G Menev S Cycestr ecclesiarum divina permissione humiles ministri salutem et debitam et devotam in omnibus subiectionem Sanctitati vestre significamus ab antiquis temporibus esse observatum quod obeunte Cantuariensi archiepiscopo suffraganei Cant ecclesie una cum monachis Cantuariensibus ad celebrandum electionem conveniunt et quod pronuntiatio electionis a Lond decano nostro fieri consuevit Inde est quod cum nuper venerabilis pater noster H pie recordationis Cantuariensis archiepiscopus cuius anime propitietur altissimus viam universe carnis sit ingressus audita morte ipsius ad apostolice sedis audientiam appellavimus incontinenti et postea pluries appellationem innovavimus ne quid in preiuditium nostri et contra formam predictam super electione futuri pontificis a monachis memoratis attemptetur Supplicamus igitur sancte paternitati vestre ne contra predictum modum eligendi apud nos observatum ad instantiam dictorum monachorum seu quorumcunque aliorum aliquid nobis preiuditium generet statuatur Conservet deus sanitatem vestram per tempora longa ecclesie sue profuturam