Charter Document - 03290084
| Charter Number: | 03290084 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1206 |
| Date type: | Assigned |
| Resource Link(s): |
|
Charter:
Sanctissimo in Cristo patri I dei gratia summo pontifici humiles et devoti filii sui W de Lond G Roffens H Exon H Sar E Elyens G Coventr M Wygorn I Norw W Lincoln S Cicestr et P Winton episcopi salutem et cum omni devotione ac reverentia debitam domino et patri obedientiam Noverit sancta paternitas vestra quod cum venerabilis frater noster Savaricus bone memorie Bathon episcopus concessisset in fata et tam Bathon quam Well ecclesia suo fuisset viduata pastore prior et conventus Bathon et decanus et capitulum Well ad quos ius eligendi episcopum pertinere dinoscitur in unum pariter convenerunt habitaque prout moris est super electione episcopi diligenti tractatu pari tandem voto et unanimi assensu in magistrum Iocelinum canonicum Well ecclesie virum providum litteratum et honestum consenserunt ipsumque invocata spiritus sancti gratia in pastorem et episcopum suum canonice et solempniter elegerunt Cui nimirum electione illustris rex Anglie Iohannes suum adhibuit benignus assensum Quia vero Cant ecclesia suo noscitur [esse] orbata pastore supplicamus sancte paternitati vestre quatinus nuntios dictarum ecclesiarum benignius admittentes prenominato electo munus confirmationis conferre dignemini