Charter Document - 03290073
| Charter Number: | 03290073 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1196 |
| Date type: | Assigned |
| Resource Link(s): |
|
Charter:
Ricardus dei gratia Lundon episcopus omnibus sancte matris ecclesie filiis per episcopatum London constitutis eternam in domino salutem Universitati vestre notum fieri volumus nos ad presentationem dilectorum nobis in Cristo filiorum nostrorum Willelmi abbatis et conventus Westm ad quorum ius ecclesia sancti Martini de Ludegate in London pertinere dinoscitur dilectum filium nostrum Ioseph capellanum ad eandem ecclesiam admisisse et ipsum in corporalem ecclesie antedicte possessionem sollempniter induxisse Possidebit autem memoratus Ioseph supra nominatam ecclesiam cum pertinentiis suis quoad vixerit reddendo singulis annis monachis predictis antiquam et debitam eis de eadem ecclesia pensionem Et quoniam hoc quod a nobis sollempniter actum est firmum et stabile consistere volumus id ipsum carta presenti sigilli que nostri testimonio roborare curavimus Hiis testibus Alardo Lond et Roberto Essex archidiaconis Ricardo de Storteford magistro scolarum London Alano Ricardo Berengario capellanis Thoma de Chabbeha Benedicto de Sausiton magistris Willelmo de Hedfeld Iohanne de Waltha Willelmo de Walda Thoma de London clericis David capellano decani et aliis