Charter Document - 03290062
| Charter Number: | 03290062 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1192 |
| Date type: | Assigned |
| Resource Link(s): |
|
Charter:
Ricardus divina miseratione Lundon ecclesie minister omnibus sancte matris ecclesie filiis per episcopatum Lundon constitutis salutem presentem et futuram in domino Hiis que a predecessoribus nostris provide gesta sunt et circumspecte ut ampliori consistant auctoritate subnixa dignum est nos gratum prestare consensum et ea confirmationis quoque nostre munimine iuvare Proinde inspecto tenore carte pie recordationis G Lundon episcopi predecessoris nostri per quam certum est ipsum ad presentationem dilecti nostri Iordani quondam camerarii viri venerabilis Ricardi de Luci ecclesiam de Radewintr cum omnibus ad eam pertinentibus Thome clerico filio Andree concessisse et ipsum in eadem personam canonice instituisse eandem concessionem ratam habentes et acceptam confirmamus et pagine presentis nostrique pariter sigilli testimonio communimus Hiis testibus magistro Alardo canonico beati Pauli magistro Rogero Alano Berengario Ricardo capellanis Willelmo de Ely Iohanne de Waltha Willelmo de Hedfeld Gilleberto Hugone clericis et aliis multis