Charter Document - 03290060
| Charter Number: | 03290060 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1192 - 1196 |
| Date type: | Assigned |
| Resource Link(s): |
|
Charter:
Ricardus dei gratia Lundon episcopus omnibus sancte matris ecclesie filiis per episcopatum Lundon constitutis salutem in domino gratiam et benedictionem Cum ex iniuncto nobis officio pastorali singulorum nobis subiectorum commoditatibus prospicere teneamur eorum iura quadam singularitatis prerogativa tueri compellimur quorum vita divinis iugiter mancipatur obsequiis Sane de facili fieri posset ut viri divinis officiis addicti si eos qualibet egestate laborare contingeret a propositi sui studio pre inopia languerent et deficerent Ea propter honestam conversationem dilectorum nobis in Cristo filiorum nostrorum canonicorum ecclesie sancti Leonardi de Ginges et fervens religionis propositum in ipsa paupertate qua premuntur attendentes accedente etiam prece et instantia viri venerabilis Willelmi de Munteni domini fundi et patroni eiusdem loci ecclesiam sancti Egidii de Ginges prius eisdem canonicis a precedentibus patronis concessam et auctoritate felicis memorie G Lundon episcopi predecessoris nostri eorum usibus confirmatam cum omnibus libertatibus et pertinentiis suis sicut in cartis patronorum manifeste continetur perpetuo possidendam et in usus proprios convertendam eis concedimus et episcopali qua indigni fungimur auctoritate confirmamus salva tamen Helie clerico quoad vixerit eiusdem ecclesie vicaria quam habet ex nostra consideratione et ipsorum canonicorum spontanea presentatione Possidebit autem prefatus H dictam vicariam toto tempore vite sue sicut predictum est percipiendo fructus omnes et obventiones ecclesie ipsius exceptis decimis canonicorum tam in garbis quam minutis decimis de quibus nichil habebit Et ipsis canonicis quinque marcas annuatim nomine canonis exinde persolvet duobus terminis videlicet in festo sancti Michaelis duas marcas et dimidiam et in Pascha ii marcas et dimidiam et tam de canone illis terminis constitutis solvendo quam de omni moda fidelitate eis observanda sacramenti religione coram nobis se obligavit Idem etiam clericus omnes episcopales consuetudines debet sustinere Post decessum vero vel recessum clerici sepefata ecclesia ad proprios canonicorum usus redibit et sic perpetuo permanebit Ut igitur ea que predicta sunt futuris temporibus perpetuam obtineant firmitatem pagine presentis inscriptione pariterque sigilli nostri testimonio eadem roborare curavimus Hiis testibus Radulfo abbate sancte Osyde Petro archidiacono Lundon magistro Alardo Willemo de Ely canonicis Alano Berengario capellanis magistro Alexandro Radulfo de sancto Paulo Iohanne de Waltha Willelmo de Wald Willelmo de Hedfeld Ricardo clericis Iohanne priore de Blakemor Henrico priore sancti Botolphi Colec magistro Radulfo officiali Essex Alexandro decano Angrie et aliis