Charter Document - 03290058
| Charter Number: | 03290058 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1192 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Ricardus dei gratia London ecclesie minister eternam in domino salutem Ea que viris religiosis pro affectu et intuitu caritatis conferuntur litterarum munimentis excipi tutum novimus et utile ne diuturnitate temporis aliqua posteriorum malitia possit in irritum revocari Hinc est quod concessionem ecclesie de Westham a Gilberto de Mountfichet abbati de Stratford et monachis factam et eorumdem in eadem ecclesia institutionem per pie recordationis Gilbertum predecessorem nostrum celebratam perpetue quoque vicarie vicario quicumque in ea parte pro tempore ministrabit assignande et constitutionem a iamdicto predecessore nostro approbatam et confirmatam ratam habemus et episcopali auctoritate confirmamus Porro cum inter abbatem et prefatos monachos et Ricardum iuniorem canonicum London ecclesie coram Ricardo Cant archiepiscopo et Willelmo abbate de Leisnes auctoritate Lucii pape tertii causa verteretur tandem hoc fine quievit memoratus quidem Ricardus iure quod in eadem ecclesia se habere asserebat sicut ex inspexione rescriptorum ipsorum iudicum cognovimus manifeste sponte renuntiavit et idem in manus eorumdem iudicum resignavit Sepememoratus vero predecessor noster ad mandatum ipsorum iudicum delegatorum iamdictos monachos in eadem ecclesia personas instituit et eorum intercedente auctoritate perpetuam vicariam vicario in eadem ecclesia ministraturo presente et consentiente Gilberto de Munfichet eiusdem fundi patrono assignavit hoc modo vicarius quicumque pro tempore fuerit percipiet omnes oblationes et obventiones ad prefatam ecclesiam pertinentes preter decimationes bladi et leguminum quas predicti monachi percipient totam etiam terram ad ecclesiam prefatam pertinentem cum hominibus et redditibus sibi excolendam habebit vicarius preter curiam ubi horrea sita sunt et duos campos parvos hinc et inde ipsi curie adiacentes scilicet Acfeld et Estfeld solvendo annuatim pro ipsis monachis canonicis sancte Trinitatis Londonien quatuor marcas argenti Ipse quoque vicarius omnes consuetudines debitas episcopo London vel officialibus suis reddet et omnia onera episcopalia sustinebit Hec autem omnia ex inspexione cartarum tam predecessoris nostri quam dictorum iudicum delegatorum hoc modo quievisse et sic esse perpendimus et quia que predicta sunt perpetue firmitatis robur volumus obtinere ea presentis pagine inscriptione et sigilli nostri testimonio communimus Hiis testibus Petro archidiacono London Ricardo de Storteford magistro scholarum magistro Alardo Ricardo de Wundelesar Iohanne Wyteng canonicis magistro Alano Berengario capellanis Willelmo de Ely magistro Alexandro Radulpho de sancto Paulo Iohanne de Waltham Rogero de Moryston Willelmo de Hadfeld Bicio et aliis multis