Charter Document - 03290043
| Charter Number: | 03290043 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1196 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Ricardus divina miseratione London ecclesie minister salutem presentem et futuram in domino Pii pastoris sollicitudinem respicit unicuique et maxime viris religiosis quod suum est paterna protectione conservare et ne sui iuris iacturam seu diminutionem in aliquo sustineant diligenter procurare Ea propter volumus ad universitatis vestre pervenire notitiam nos de iure delectorum nostrorum in Cristo monachorum de Malm et antiqua eorum possessione in ecclesia beati Nicholai Achim apud London satis certos et plenius instructos ad instantiam et petitionem karissimi nostri abbatis Roberti et conventus eiusdem loci supradictam ecclesiam eisdem habendam et perpetuo possidendam salvo in omnibus iure London ecclesie concessisse et episcopali qua presidemus auctoritate confirmasse Quod ne tractatu temporis possit in irritum revocari presentem cartam sigilli nostri testimonio duximus roborare Hiis testibus Petro archidiacono London magistro Alardo et aliis