Charter Document - 03290040
| Charter Number: | 03290040 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1191 |
| Date type: | Assigned |
| Resource Link(s): |
|
Charter:
Ricardus dei gratia Lond episcopus omnibus sancte matris ecclesie filiis per episcopatum Lond constitutis salutem gratiam et benedictionem Officii nostri ratione constringimur ut beneficia que relligiosis locis et in eisdem deo famulatum exhibentibus et fidelibus Cristi in caritate collata fuisse noverimus ea ipsis confirmare curemus Vestre itaque universitati presenti scripto volumus intimari quod nos ecclesiam de Totham quam Mauricius eiusdem ecclesie advocatus priorisse et monialibus de Clerkenwelle divino intuitu concessit et carta sua confirmavit cui etiam donationi G bone memorie decessor noster suum assensum adhibuit eisdem priorisse et monialibus concedimus Et ne hoc in dubium de cetero vel in irritum revocetur concessionem ipsam et confirmationem presenti scripto et sigilli nostri appositione communimus Testibus magistro Petro de Waltham magistro Alardo magistro Roberto de Nuers Rogero Alano Berengario capellanis Ricardo de Windesor Willelmo de Ely Radulfo de sancto Paulo clericis Manase Iohanne Witeng Iohanne de Waltha Willelmo de Walde Willelmo de Hetfeld Ricardo de Norfolch et multis aliis