Charter Document - 03290037

Ricardus dei gratia Lund episcopus omnibus sancte matris ecclesie filiis ad quos presens scriptum pervenerit salutem in domino Universitati vestre notificamus nos de ecclesia de Brokesburne et de omnibus ad eandem ecclesiam pertinentibus que ex concessione Garneri[i] de Naples prioris fratrum hospitalis Ierosolimitani in Anglia unanimi consensu et voluntate fratrum eiusdem hospitalis studio nostro et diligentia et intuitu affectionis quam erga personam nostram habebant ecclesie beati Pauli et nobis et omnibus episcopis nobis successuris in ecclesia beati Pauli collata est perpetuo tenenda et habenda sub annua iiii marcarum pensione domui hospitali facienda hoc modo tractatu habito cum viris prudentibus et discretis disposuisse Post decessum siquidem nostrum predicta ecclesia in custodia decani ecclesie beati Pauli et archidiaconi Middelsexie et thessaurarii ecclesie beati Pauli dum sedes episcopalis vacaverit permanebit ita quod ipsi de bonis ecclesie pensionem debitam hospitali solvant et quinque marcas annuatim die anniversario obitus nostri decano et capitulo beati Pauli conferent duas scilicet marcas distribuendas canonicis et clericis qui obsequiis nostris celebrandis interfuerint ita quod canonici percipiant i marcam et clerici alteram marcam et iii marcas pauperibus erogandas Residuum vero quod de fructibus predicte ecclesie redigi poterit ad faciendas et reparandas vitreas fenestras in ecclesia beati Pauli erogabunt Cum vero ecclesia Lund presulem habuerit ipse presul sepedictam ecclesiam tenebit et possidebit cum omnibus ad eam pertinentibus solvendo singulis annis pensionem iiii marcarum prenominato hospitali largiendo etiam ecclesie beati Pauli die obitus nostri annuatim quinque marcas sicut prescriptum est erogandas De eo autem quod superfuerit de fructibus sepedicte ecclesie ipse ad beneplacitum suum disponat Et ut hec nostra dispositio sollempniter et ut credimus rationabiliter facta perpetuam obtineat firmitatem eam presentis scripti testimonio et sigilli nostri appositione roborare curavimus His testibus Radulfo de Disceto ecclesie beati Pauli Lund decano magistro Alardo archidiacono Lundon Ricardo archidiacono Colecestrie Henrico thessaurario magistro Ricardo de Storteford magistro scolarum Lund Roberto de Cliford Rogero capellano magistro Benedicto Alano capellano Ricardo Iuniore Gileberto Banastre magistro Osberto Ricardo de Umframvill Henrico de Civitate Iohanne de Gerlaund Ricardo Berengario capellanis Hugone de Wint magistro Alexandro Iohanne Longo magistro Galfrido de Garland Iohanne de Waltham