Charter Document - 03290034
| Charter Number: | 03290034 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1196 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Ricardus divina permissione Lundonien ecclesie minister salutem in domino Universitati vestre notum fieri volumus nos ad petitionem Radulfi de Disceto decani ecclesie sancti Pauli Lundon et eiusdem ecclesie capituli assignasse domum lapideam cum omnibus pertinentiis suis quam Ricardus de Storteford magister scolarum Lundon construxit in atrio sancti Pauli simul cum area in qua eadem domus constructa est que de nostra donatione est prebende ipsius Ricardi que scilicet in parochia de Willesdon est et vocatur Harleston Ita quidem ut cuicumque a nobis vel successoribus nostris collata fuerit eadem prebenda habeat simul cum prebenda domum ipsam cum omnibus pertinentiis suis solvendo singulis annis die obitus eiusdem Ricardi capitulo ecclesie beati Pauli marcam unam argenti distribuendam canonicis et clericis chori qui eodem die exequiis suis faciendis interfuerint Et ut hec assignatio nostra stabilis et firma futuris temporibus perseveret cum presentis carte testimonio sigillique nostri patrocinio communire pariter et confirmare curavimus Hiis testibus predicto Radulfo decano Alardo archidiacono Lundon Roberto de Clifford Rogero capellano Ricardo Ruffo Ricardo Iuniore Osberto de Camera Gilleberto Banastr Iohanne de sancto Laurentio canonicis sancti Pauli Alano Ricardo capellanis nostris magistro Thoma de Chabbeha magistro Benedicto de Sausiton Iohanne de Exon Willelmo de Hedfeld Radulfo de Grava clericis et aliis