Charter Document - 03290029
| Charter Number: | 03290029 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1191 |
| Date type: | Assigned |
| Resource Link(s): |
|
Charter:
Ricardus dei gratia Lundon episcopus dilectis in Cristo filiis ballivis firmariis et omnibus liberis hominibus de maneriis capituli beati Pauli Lundon in domino salutem Noverit universitas vestra quod cum Willelmus de Bocland dilectum filium nostrum Radulfum decanum et capitulum beati Pauli Lundon in curia domini regis super manerio de Kesneswrd traxisset in camera tandem inter eos coram nobis et iusticiis domini regis finalis concordia facta est ita scilicet quod predictus decanus et capitulum eidem Willelmo lx libras de bonis ecclesie beati Pauli terminis inter eos constitutis solvere tenentur Quod quia ad perpetuam predicte ecclesie firmitatem et pacem spectare dinoscitur universitati vestre mandamus rogamus et consulimus quatinus cum a prefatis decano et capitulo super hoc requisiti fueritis auxilium vestrum illis tamquam dominis vestris liberaliter impendatis et nos nobis in agendis vestris cum necesse fuerit proinde obnixi ores constituetis Benevalete