Charter Document - 03290028
| Charter Number: | 03290028 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1196 - 1198 |
| Date type: | Assigned |
| Resource Link(s): |
|
Charter:
Ricardus dei gratia Lundon episcopus omnibus sancte matris ecclesie filiis per episcopatum Lund constitutis salutem gratiam et benedictionem Ad universitatis vestre notitiam pervenire volumus quod lis que inter Robertum clericum filium Roberti de Tayden et fratres hospitalis sancti Barthol Lund super ecclesiam de Parva Wakering vertebatur coram nobis hoc modo conquievit Prefatus siquidem Robertus clericus cartam quam prefati fratres super predictam ecclesiam eidem conscripserant in manus nostras resignavit et iuri quod se in eadem ecclesia habere dicebat coram nobis renunciavit Memorati vero fratres pro bono pacis quadraginta solidos annuos ei solvent ad duos terminos videlicet ad Pascha xx solidos et ad festum sancti Michaelis xx solidos vel infra xv dies alterutrum terminum sequentes Hoc quidem tenore ut si infra predictum terminum alterutra medietas soluta non fuerit dispendium quod predicto Roberto propter dilationem acciderit in sumptibus eidem a fratribus predictis recompensabitur Prefatus etiam Robertus miles de Tayden eiusdem ecclesie patronus coram nobis promisit se predictam ecclesiam memoratis fratribus quantum ad patronum spectat contra omnes homines warantizaturam Hiis testibus Ricardo priore sancti Barth qui huic compositioni assensum suum prestitit Alardo archidiacono Lundon magistro Benedicto magistro Thoma de Chabbeha Gilleberto de Grantford decano nostro Iohanne de Sob[er]i decano Hamelino clerico de Sapelford Henrico de Tayden Willelmo filio Oth Reginaldo filio Serlonis et aliis