Charter Document - 03290027

Ricardus dei gratia Lundon episcopus omnibus fidelibus per episcopatum Lundoniensem constitutis eternam in domino salutem Ad universitatis vestre notitiam volumus pervenire quod cum controversia et longa disceptatio coram nobis inter canonicos sancti Barth et fratres hospitalis eiusdem ecclesie verteretur de procuratore domus hospitalis instituendo tandem post multas altercationes lis inter eos pacifice in hoc modo conquievit videlicet quod procurator domus hospitalis sancti Barth Lund debet sollempniter obedientiam facere priori eiusdem ecclesie et iurare quod fideliter ministrabit in hospitali et quod terras et redditus eiusdem domus non alienabit neque vendet neque alicui in feodo concedet nec ad parvum servitium rediget sine assensu nostro et assensu prioris et canonicorum sancti Barth Neminem etiam ad victum vel vestitum continuum et perpetuum poterit admittere nec extra domum prebendam vendere vel dare vel invadiare sine assensu prioris et canonicorum sancti Barth Et quicumque recipiendi sunt ut fratres et sorores in eadem domo debent habitum conversionis a priore in capitulo canonicorum recipere et obedientiam facere priori et ecclesie sancti Barth Procurator etiam domus hospitalis debet bis compotum reddere per annum de receptis et expensis in presentia domini episcopi vel alicuius quem a latere suo destinare voluerit et in presentia prioris sancti Barth Et omnes fratres et sorores domus hospitalis quater in anno ad processionem sancti Barth debent convenire videlicet in purificatione beate Marie et dominica in ramis palmarum et in die Pasche et in die ascensionis domini Quicumque etiam in predicto hospitali debet institui procurator communi consilio canonicorum ecclesie sancti B et fratrum hospitalis de eisdem fratribus vel aliunde si inter eos ydoneus inventus non fuerit ita tamen quod non sit canonicus sancti Barth debet eligi et substitui et eo modo quo supradictum est priori sancti B obedientiam facere Similiter quicumque capellanus in eadem domo ministrabit debet per priorem et procuratorem eligi et episcopo vel archidiacono presentari et admissus canonicam obedientiam facere episcopo vel archidiacono et sacramentum fidelitatis iurare ecclesie sancti Barth et eorum communi consilio si postea minus idoneus fuerit inventus debet ammoveri et maius idoneus substitui Eodem modo procurator domus hospitalis si inutilis fuerit communi consilio tam canonicorum quam fratrum debet ammoveri et alius ydoneus sicut supradictum est substituetur Ut autem nec canonicis nec fratribus hospitalis contra hanc compositionem et utriusque domus ordinationem in presentia nostra viris discretis assidentibus factam liceat venire de communi eorum consensu sententia excommunicationis eos omnes innodamus qui predictam ordinationem irritare presumpserint Testibus his Radulfo de Diceto decano ecclesie sancti Pauli Lund Alardo archidiacono Lund Henrico Banastre thesaurario sancti Pauli Ricardo de Storteford magistro scolarum Lund Roberto de Cliford Rogero capellano Alano capellano episcopi magistro Benedicto magistro Thoma de Cabbeham Berengario capellano Iohanne de Waltham magistro Roberto de Meldis Henrico filio Ailwini maiore Lund Gervasio de Aldermanesbr Rogero filio Alani Iohanne filio Herlicu Gwillelmo de Haverhell Nicholao Duket Iohanne Bukuinte Iohanne Burgelu Adam Beremund et multis aliis