Charter Document - 03290025
| Charter Number: | 03290025 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1196 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Ricardus miseratione divina Lond ecclesie minister salutem in domino Cum episcopalis officii sollicitudinem respicit viros religiosos propensius fovere et possessiones suas et bona quibus in dei servitio possint uberius sustentari auctenticis instrumentis eis confirmare pariter et communire eapropter attendentes religionem et ordinis honestatem dilectorum in Cristo filiorum nostrorum canonicorum sancte Trinitatis Lond inherentes etiam vestigiis bone memorie G Lond episcopi predecessoris nostri ecclesiam de Lefstanchirche cum pertinentiis suis ab Hugone Triket patrono concessam et predicti predecessoris nostri auctoritate sicut in cartis eorum quas inspeximus manifeste patet confirmatam eis habendam et perpetuo possidendam concedimus et episcopali qua presidemus auctoritate confirmamus statuentes ut ad uberiorem domus et canonicorum sustentationem decimas omnes garbarum de eadem parochia in usus proprios habeant et convertant Vicarius autem perpetuus quicumque ad presentationem canonicorum in eadem ecclesia ministrabit ad sui sustentationem habebit omnes alias decimas pariterque de dominico illorum et omnes obventiones ad ecclesiam pertinentes et liberam terram ecclesie cum domibus et redditibus hominum de eadem libera terra tenentium qui et canonicis de eadem vicaria marcam annuam solvet et episcopo dioecesano et officialibus suis et consuetudinibus ecclesie respondebit Ne igitur que a nobis solempniter acta sunt possint tractatu temporis irritari pagine presentis annotatione sigillique nostri testimonio ea corroborare curavimus Hiis testibus Petro archidiacono Lond magistro Alardo Willelmo de Ely magistro Rogero canonico sancti Pauli Alano et Ricardo capellanis Willelmo de Wald