Charter Document - 03290016

Ricardus dei gratia Lond episcopus omnibus archidiaconis decanis clericis ministris et omnibus sancte matris ecclesie filiis per episcopatum Lond constitutis salutem gratiam et benedictionem Noveritis omnes nos dilectorum filiorum nostrorum abbatis et monachorum Colecestr votis ac petitionibus grato concurrentes assensu has infra scriptas decimas et possessiones quas inter cetera bona devoti fideles ecclesie sancti Iohannis Baptiste Colec pro salute animarum suarum contulerunt eidem ecclesie et monachis nostra episcopali auctoritate communisse et hac presenti carta confirmasse scilicet capellam castelli Colec et totam decimam dominii eiusdem et decimam molendini de Middelmelne de Waleden decimam molendinorum et lane de Stanweia et Lexed ii partes decime de Halli[n]geb[er]i ii partes decime de Sabricheswrd tertiam partem decime de Tacheleya ii partes decime et totam decimam pasnagii de Roinges totam decimam de Waltham tertiam partem decime de Witham ii partes decime et totam decimam pasnagii Eudonis dapiferi et pullorum equarum ejus et molendinorum de Walchra duas partes decime et decimam Fulconis dapiferi in Roinges decimam de Torp Radulfi de Noum de Dunmawe decimam Radulfi de Chauendona totam decimam dominii de Legra ii partes decime Omnes etiam leges et consuetudines ac dignitates que a domino nostro rege Ricardo concesse sunt et per cartam predicte ecclesie sancti Iohannis confirmate necnon et omnia iura et dignitates que a predecessoribus nostris Mauricio Ricardo episcopis concesse sunt donationes quoque omnes que eidem ecclesie tam ab Eudone Dapifero sive Rohaisia uxore ejus quam ab eorum hominibus uel a quibuscumque aliis fidelibus facte sunt in ecclesiis in terris in decimis siue in aliis quibuslibet redditibus non obstante quod ea nominatim non exprimimus nichilominus concedimus et nostra auctoritate episcopali constanter confirmamus Quisquis itaque predicte ecclesie omnes possessiones ac dignitates servaverit ac pro posse suo manutenuerit dei et nostra hic et in evum benedictione repleatur Siquis autem huius ecclesie possessiones iniuste invadere uel auferre presumpserit sive leges et dignitates infringere uel pervertere voluerit caveat ne ira dei superveniente a gaudiis electorum extortis eterni supplicii flammis subiciatur Valete