Charter Document - 03290012
| Charter Number: | 03290012 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1191 |
| Date type: | Assigned |
| Resource Link(s): |
|
Charter:
Ricardus dei gratia Lond ecclesie minister venerabili fratri et in Cristo karissimo S dei gratia Cicestre[n]si episcopo salutem et sincere dilectionis instantiam Ne mater nostra Cant ecclesia viduitatis sue tempore si diutius protrahatur in spiritualibus sive temporalibus detrimentum patiatur Iohannis comitis Moret et W archiepiscopi Rothom et aliorum quibus constat de voluntate domini regis assensu communi provisum est ut eidem ecclesie in idoneo pastore maturius provideatur et ipsius electio loco competentiori in ecclesia videlicet metropolitana a filiis suis rite celebretur Ea propter fraternitati vestre mandamus quatenus die Lune proximo post festum sancti Andree apostoli presentiam vestram apud Cant occasione et excusatione cessantibus nobis exhibeatis ibidem per dei gratiam cum fratribus et coepiscopis nostris de electione Cantuar archiepiscopi tractaturi Valeat in domino vestra fraternitas