Charter Document - 03290009
| Charter Number: | 03290009 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1196 - 1198 |
| Date type: | Assigned |
| Resource Link(s): |
|
Charter:
Ricardus dei gratia London episcopus omnibus sancte matris ecclesie filiis per episcopatum London constitutis salutem in domino Ad universitatis vestre notitiam pervenire volumus nos ad petitionem et presentationem Ricardi monachi de Risslepp custodis rerum monachorum Beccen in diocesi nostra Taurinum de Stanford decanum nostrum ad perpetuam vicariam ecclesie de Dunton que ad ius predictorum monachorum spectare dinoscitur admisisse et ipsum eiusdem ecclesie rectorem constituisse Possidebit autem memoratus Taurinus supradictam ecclesiam cum omnibus pertinentiis suis quoad vixerit solvendo singulis annis per manum prefati R monachi vel custodi possessionum predictorum monachorum penes nos quicumque pro tempore fuerit eisdem monachis quatuor marcas de predicta ecclesia nomine pensionis ad duos terminos scilicet ad festum sancti Martini vel infra octo dies sequentes duas marcas et ad nativitatem sancti Iohannis vel infra octo dies sequentes duas marcas et de consuetudinibus episcopalibus annuis et usitatis que eidem ecclesie incumbunt respondebit Ne igitur quod a nobis sollempniter et canonice gestum est possit tractu temporis irritari id ipsum presenti carta confirmare et cartam sigilli nostri patrocinio communire curavimus Hiis testibus Alardo archidiacono London Willelmo de Ely domini regis thesaurario Alano Ricardo capellanis nostris magistro Thoma magistro Benedicto Hugone de Winton Iohanne de Waltham Willelmo de Wald Willelmo de Hedfeld clericis nostris magistro Radulfo de Altrug Iordano de Chaldewell Adam capellano de Currincham et aliis