Charter Document - 03290005
| Charter Number: | 03290005 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1191 |
| Date type: | Assigned |
| Resource Link(s): |
|
Charter:
Ricardus dei gratia London episcopus omnibus sancte matris ecclesie filiis per episcopatum London constitutis in domino salutem Officii nostri debitum recte persolvimus si que religiosis viris beneficia iuste collata fuisse noverimus ipsis eadem concessa nobis a domino potestate confirmare curemus Unde nos dilectorum nobis in domino monachorum Beccensium religionis integritatem et publice famam assertionis attendentes ipsis ecclesiam eorum de Duntun iuxta quod eandem predictis monachis Gillebertus bone memorie decessor noster cuius nos super hoc cartam inspeximus indulsit in usus proprios convertendam et perpetuo possidendam concessimus salvis quidem nobis et officialibus nostris debitis ex inde consuetudinibus Quod quia firmum et stabile consistere volumus pagina presenti et nostri appositione sigilli communimus Testibus his magistro Petro de Wauth magistro Rogero capellano Ricardo de Windlesor Willelmo de Ely Iohanne de Wauth Willelmo de Hedfeld clericis nostris