Charter Document - 03290002
| Charter Number: | 03290002 |
|---|---|
| Cartulary Title: | London 1189-1228 Volume 26 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1190 - 1191 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit R dei gratia Lundon episcopus et R decanus et P archidiaconus Lundon eternam in domino salutem Ad omnium vestrum notitiam volumus pervenire quod controversia inter fratres Hospitalis Ierosolimitani et Matildam abbatissam et conventum de Berchingensem super decimis et parrochianis et iure parrochiali de Hanlega orta et nobis a Clemente summo pontifice delegata hunc finem utriusque partis assensu coram nobis sortita est Scilicet predicti fratres Hospitalis perpetuo renuntiaverunt toti iuri quod habebant in predictis decimis et parrochianis et iure parrochiali de Hanlega Predicta autem abbatissa et conventus Berkingensis pro bono pacis concesserunt et dederunt prelibatis fratribus Hospitalis in liberam et puram et perpetuam elemosinam unam marcatam redditus scilicet decem solidorum redditum quem canonici sancte Marie de Sudwrcch debuerunt eisdem abbatisse et conventui de Berkinges de uno masagio in London et quadraginta denariorum redditum quem Sibilla soror Ricardi filii Reinii debuit eis de uno masagio in London Predicta vero abbatissa assignavit coram nobis memoratos priorem et canonicos et predictam Sibillam iamdictis fratribus ut eis solvant predictos redditus Et ipsi canonici et Sibilla hoc coram nobis gratum habuerunt et ratum Quod quia sub nostra gestum est presentia utrique quod sui iuris est presenti scripto et sigillorum nostrorum annotatione confirmare curavimus Hiis testibus magistro Ricardo de Storteford magistro Alardo Iohanne Witeng canonicis magistro Rogero Alano Berengario Ricardo capellanis Willelmo de Ely magistro Alexandro Radulfo de sancto Paulo Iohanne de Waltham clericis Alphego capellano Reginaldo de Fonte magistro Rogero de Luetun Laurentio clerico