Charter Document - 03280330
| Charter Number: | 03280330 |
|---|---|
| Cartulary Title: | Durham 1196-1237 Volume 25 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1234 |
| Date type: | Internal, Calendar, Episcopal |
| Resource Link(s): |
Durham Cathedral Archive - Cartulary IV (f83v) |
Charter:
Omnibus sancte matris ecclesie filiis ad quos presens scriptum pervenerit Ricardus dei gratia Dunelmensis episcopus salutem in domino Noverit universitas vestra nos dedisse concessisse et presenti carta confirmasse Thome de Mariscis pro homagio et servitio suo terram illam in Westerboldon cum pertinentiis quam Willelmus filius Willelmi nobis reddidit et quietam clamavit in curia nostra Dunelm habendam et tenendam predicto Thome et heredibus suis de nobis et successoribus nostris inperpetuum libere quiete et honorifice reddendo inde annuatim nobis et successoribus nostris sex solidos et octo denarios ad quatuor terminos in episcopatu nostro constitutos pro omni servitio exactione et demanda excepto quod sequentur molendinum nostrum ad vicesimum vas Quare volumus et firmiter precipimus quod predictus Thomas et heredes sui predictam terram habeant teneant et libere possideant in introitibus et exitibus in moris et mariscis et aliis libertatibus ad liberam terram pertinentibus inperpetuum per predictum servitium Et ut hec nostra donatio concessio et confirmatio perpetuam firmitatem optineant presens Scriptum sigilli nostri appositione roboravimus Hiis testibus Gilberto de hospitali magistro Roberto de Ambianis Stephano de Burton et aliis Dat apud Fulleham iuxta London per manum Henrici capellani nostri tertio decimo kalendas Septembris pontificatus nostri anno septimo