Charter Document - 03280319
| Charter Number: | 03280319 |
|---|---|
| Cartulary Title: | Durham 1196-1237 Volume 25 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1235 |
| Date type: | Internal, Episcopal, Feast |
| Resource Link(s): |
Durham Cathedral Archive - Register III (fxiir) |
Charter:
Omnibus ad quos presens scriptum pervenerit Ricardus dei gratia Dunelmensis episcopus salutem in domino Noveritis quod cum vacaret ecclesia de Haluton per mortem Ruffini Vercellensis quondam rectoris eiusdem dilectus in Cristo filius W archidiaconus Dunelmensis quicquid iuris se dicebat habere in ecclesia memorata pro se et successoribus suis sponte et absolute ordinationi nostre commisit Nos igitur attendentes quod proventus et possessiones ad archidiaconatum Dunelmensem spectantes adeo exiles erant et tenues quod ad portandum pondus huiusmodi dignitatis sufficere non valebant de consensu capituli Dunelmensis ordinavimus de prefata ecclesia in hunc modum videlicet quod decimam garbarum octo carrucatharum terre de dominico nostro in parochia eiusdem ecclesie et omnes decimas garbarum de villis subscriptis scilicet de Bermeton de Scirninham de Cotum de Nesbith et de Graistones consolidavimus archidiaconatui memorato statuentes ut dictus W archidiaconus et successores sui archidiaconi Dunelmenses prenominatas decimas garbarum ipsi archidiaconatui consolidatas imperpetuum integre percipiant et quiete Decimas autem garbarum ville de parva Burdon divine pietatis intuitu dedimus concessimus et hac carta nostra confirmavimus priorisse et conventui de Nesham percipiendas et possidendas eisdem priorisse et conventui sine aliquo onere in usus proprios imperpetuum Omnes autem decimas residuas tam maiores quam minores possessiones redditus et fructus omnimodos quocumque nomine censeantur qui ad dictam ecclesiam preteritis temporibus pertinebant vel in futurum poterunt pertinere salvis eidem archidiacono et successoribus suis decimis garbarum predicto archidiaconatui assignatis salvis etiam dicte priorisse et conventui de Nesham decimis garbarum de parva Burdon pretaxatis collationi seu donationi nostre et successorum nostrorum reservavimus imperpetuum conferendas absque omni contradictione et reclamatione dicti archidiaconi et successorum suorum viro ydoneo qui in prefata ecclesia per nos et successores nostros instituetur persona et ipsi ecclesie in cura animarum et aliis honeste deserviet sustinendo omnia onera tam episcopalia quam archidiaconalia ecclesie eidem annexa Et ut hec nostra ordinatio perpetue firmitatis robur obtineat presenti scripto sigilli nostri impressione munito prefatus archidiaconus sigillum suum apposuit Hiis testibus Symone penitentiario nostro Galfrido de Wudehorn Michaele vicario de Benton W de Arundell domino Iohanne de Rumes senescallo nostro Petro de Derlingt Stephano de Burd Rogero de Laley clericis nostris et aliis Dat apud Auclent per manum Henrici capellani nostri die sancte Lucie pontificatus nostri anno octavo