Charter Document - 03280318
| Charter Number: | 03280318 |
|---|---|
| Cartulary Title: | Durham 1196-1237 Volume 25 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1229 |
| Date type: | Internal, Calendar, Episcopal |
| Resource Link(s): |
Durham Cathedral Archive - Register I (fii3v) Durham Cathedral Archive - Register II (f90r) |
Charter:
Omnibus Cristi fidelibus ad quos presens scriptum pervenerit Ricardus dei gratia Dunelmensis episcopus salutem in domino Noverit universitas vestra nos de assensu Radulphi prioris et capituli nostri Dunelmensium dedisse concessisse et hac presenti carta nostra confirmasse hominibus de villa de Hertrepol quod sint liberi burgenses et quod omnia tenementa sua in burgo de Hertrepol sint libera per iustos et rectos redditus suos per annum statutos pro omnibus servitiis auxiliis consuetudinibus et exactionibus Volumus etiam et concedimus quod in dicta villa de Hertrepol sit singulis annis ad festum sancti Laurentii libera feria que duret per quindecim dies et in qualibet ebdomada liberum mercatum scilicet die martis Volumus etiam et concedimus quod dicti burgenses habeant bonas et rectas libertates et liberas consuetudines Sicut liberi burgenses et quod habeant liberum introitum et exitum et firmam pacem nostram et successorum nostrorum eundi et redeundi cum omnibus rebus suis tam per terram quam per aquam in episcopatu nostro per totam terram nostram Volumus etiam et concedimus quod dicti burgenses habeant libertatem de maiore habendo et gilda mercatoria sicut alii burgenses habent melius et liberius in burgis domini regis in Anglia Salvis nobis et successoribus nostris rectis consuetudinibus nobis debitis et consuetis in omnibus et salvis nobis et successoribus nostris presis de vinis sicut dominus rex capit in terra sua in Anglia et salvis nobis et successoribus nostris rationabilibus emptionibus nostris omnium rerum venalium sicut antecessores nostri temporibus suis habuerunt vel sicut dominus rex habet in burgis baronum suorum in Anglia et salvo nobis et successoribus nostris quod homines nostri tam liberi quam alii de feodo nostro et homines prioris et conventus Dunelmensium tam liberi quam alii sint liberi de telonio inperpetuum in predicto burgo de Hertrepol Nos vero et successores nostri in emptionibus premissis omnium rerum venalium omnibus aliis preferemur Quare volumus et firmiter precipimus quod predicti burgenses habeant et teneant bene et in pace quiete et honorifice omnes predictas libertates et consuetudines sicut predictum est Et ut hec nostra donatio concessio et carte presentis confirmatio perpetuam optineant firmitatem presenti scripto sigillum nostrum apponi fecimus Hiis testibus magistro E de Derham domino I de Rumes Hugone de Capella Galfrido filio Galfridi Iordano Heyrun Th de Aslakeby Nigello de Runget Ricardo de Hollyngsyde Adam de Merl Willelmo Postel et aliis Dat per manum Valentini clerici nostri apud Alvert tertio kal Octobris pontificatus nostri anno secundo