Charter Document - 03280301
| Charter Number: | 03280301 |
|---|---|
| Cartulary Title: | Durham 1196-1237 Volume 25 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1229 |
| Date type: | Assigned |
| Resource Link(s): |
Durham Cathedral Archive - Cartularium Vetus (f172r) Durham Cathedral Archive - Cartularium Vetus (f123r) |
Charter:
Omnibus sancte matris ecclesie filiis ad quos presens scriptum pervenerit Ricardus dei gratia Dunelmensis episcopus eternam in domino salutem Cum questio mota esset inter priorem et conventum Dunelmenses ex una parte et magistrum Willelmum de Lanum archidiaconum Dunelmensem ex altera super iurisdictione et iure archidiaconali in ecclesiis et capellis quas tunc temporis dicti prior et conventus in usus proprios habebant in archidiaconatu Dunelmensi utraque pars dictam questionem ordinationi nostre commisit terminandam Nos autem de consilio virorum prudentium ita ordinavimus ut dictus archidiaconus et successores sui in omnibus dictis ecclesiis et earumdem capellis super sacerdotes et clericos ac parochianos earumdem plenam et integram perpetuo habeant iurisdictionem archidiaconatum absque procurationibus et synodalibus ita tamen quod in recompensationem procurationum et synodalium dabunt predicti prior et conventus singulis annis ad festum sancti Martini dicto magistro W archidiacono et successoribus suis duas marcas argenti Dicti autem prior et conventus habebunt medietatem pene pecuniarie inflicte sacerdotibus et clericis dictarum ecclesiarum et hominibus suis in dictis parochiis manentibus sive pena illa fuerit inflicta pro delicto sive pro contumatia sive alia de causa Et ad istam ordinationem plenius confirmandam tam sigillum nostrum quam sigilla partium huic scripto sunt apposita