Charter Document - 03280295

Omnibus ad quos presens scriptum pervenerit Ricardus dei gratia Dunelmensis episcopus salutem in domino Noveritis quod cum dilecti in Cristo filii Petrus abbas et conventus de Alnewic ex una parte et dominus Ricardus de Vescy vicarius ecclesie de Chettona et canonicus Beverlacensis ex altera sponte et absolute ordinationi nostre supposuissene quicquid iuris habebant in dicta ecclesia de Chettona nos de eadem ecclesia ordinavimus in hunc modum videlicet quod collatio seu donatio vicarie dicte ecclesie de Chettona nobis et successoribus nostris in perpetuum remanebit que quidem vicaria constabit in perpetuum de omnibus obventionibus minutis decimis redditibus et proventibus omnimodis ad dictam ecclesiam et capellas suas spectantibus quocumque nomine censeantur exceptis decimis garbarum et terra de Dodintona que pertinet ad ecclesiam supradictam de qua tamen terra vicaria predicte ecclesie de Chettona habebit unum mansum competens in perpetuum Omnes autem decimas garbarum ad dictam ecclesiam de Chettona et capellas suas spectantes dictis abbati et conventui de Alnewic concessimus et hoc presenti scripto confirmavimus percipiendas et convertendas in proprios usus in perpetuum Vicarius vero cuicumque per nos vel successores nostros dicta vicaria fuerit collata personaliter in eadem residebit et sustinebit omnia onera ordinaria dicte ecclesie de Chettona annexa et mansum predictum in villa de Dodintona necnon et terram que ad ecclesiam pertinet in villa de Chettona habebit in perpetuum Et ut hec ordinatio nostra predicta firma sit et stabilis tam sigillum nostrum quam sigillum capituli de Alnewic huic scripto sunt apposita Hiis testibus magistris Simone penitentiario nostro Willelmo de Arundel Galfrido vicario de Wudehorn Michaele vicario de Bentona Hugone de Gahirst Stephano de Burtona Rogero de la Leye clericis nostris et aliis Dat apud Aclent per manum Henrici capellani nostri in crastino sancti Nicholai pontificatus nostri anno octavo