Charter Document - 03280279
| Charter Number: | 03280279 |
|---|---|
| Cartulary Title: | Durham 1196-1237 Volume 25 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1218 |
| Date type: | Internal, Episcopal |
| Resource Link(s): |
|
Charter:
Ricardus dei gratia Dunelmensis episcopus domini regis cancellarius omnibus ad quos presens carta pervenerit salutem in domino Sciatis nos concessisse dedisse et hac carta nostra confirmasse pro nobis et successoribus nostris nobili viro Petro Sarraceno civi Romano pro homagio et servitio suo quadraginta libras sterlingorum habendas in feudo et hereditate sibi et heredibus suis de nobis et successoribus nostris imperpetuum ad scaccarium nostrum Dunelmense annuatim in termino sancti Iohannis baptiste percipiendas donec nos vel successores nostri ei vel heredibus suis in quadraginta libratis terre providerimus competenter Ita quod si simul et semel in quadraginta libratis terre ei vel heredibus suis providere non possimus et eis terram que minus valeat contulerimus tantum decidet annuatim de ipsis quadraginta libris sterlingorum quantum terra per nos vel successores nostros eis collata valebit Quare volumus et firmiter precipimus quod predictas Petrus et heredes sui habeant et percipiant predictas quadraginta libras sterlingorum de nobis et successoribus nostris imperpetuum libere quiete et integre sine aliquo impedimento vel alicuius contradictione ad scaccarium nostrum Dunelmense donec eis in quadraginta libratis terre providerimus sicut predictum est Et ad maiorem huius rei securitatem huic scripto sigillum nostrum apposuimus Testibus magistro Thoma de Lichefeld Roberto de Nevill magistro Alexandro Nolan magistro Roberto Morell magistro Symone de Talinton Roberto de Dunelmo Willelmo de Roing Symone et Nycholao de Hadham Matheo de Winterburn et aliis Dat per manum nostram apud London quarto die Novembris anno pontificatus nostri secundo