Charter Document - 03280275
| Charter Number: | 03280275 |
|---|---|
| Cartulary Title: | Durham 1196-1237 Volume 25 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1221 |
| Date type: | Internal, Calendar, Episcopal |
| Resource Link(s): |
|
Charter:
Ricardus dei gratia Dunelmensis episcopus domini regis cancellarius omnibus presentes litteras inspecturis salutem in domino Noverit universitas vestra quod cum aliquando esset contentio inter Philippo de sancta Helena personam ecclesie de Lanchester ex una parte et Radulphum monachum procuratorem et fratres hospitalis sancti Egidii de Kepier ex altera parte super decimis et obventionibus de Satley et medietate de Collerley tandem consentientibus et nobis ordinantibus in hunc modum amicabiliter de consensu eorum sopita est scilicet quod predictus procurator et fratres de Kepier et successores sui reddant anuatim inperpetuum dicto Philippo de sancta Helena et successoribus suis personis ecclesie de Lanchester xl solidos nomine pensionis ad duos anni terminos scilicet xx ad Pentecosten et xx ad festum sancti Martini in hieme pro decimis et obventionibus parochialibus ad villam de Satley et medietatem de Collierley pertinentibus Ita quod in nullis terris cultis aut incultis possessionibus aut rebus aliis ad ecclesiam de Langec pertinentibus eidem ecclesie propter hoc molesti erunt aut iniuriosi [Et ut] hec compositio nostra rata stabilis et concussa futuris temporibus permaneat presens scriptum fieri fecimus sigilli nostri appositione roborari Testibus domino Roberto de Nevil canonico Lichfieldensis magistro Simone de Farlington magistro Thurston de Londoniis Adam de Yeland Ricardo Nicholao et Roberto fratribus eius Roberto de Cokefeld Nicholao de Haddam Petro de Baton et aliis Datum per manum nostram apud Akelent sexto die Septembris anno pontificatus nostri quinto