Charter Document - 03280234

Philippus dei gratia Dunelmensis episcopus om[nib]us [Crist]i [fidelib]us ad quos presens scriptum pervenerit e[t]ernam in domino salutem Noverit universitas vestra nos divine pietatis et c[aritatis int]uitu in puram et perpetuam elemosinam dedisse concessisse et pres[e]nti carta nostra confirmasse domui hospital[i] sancti Iacobi iuxta Alvertonam totam nostram medietatem molendinorum de Houhton Reningt et Trolleforde cum tota sequela pischariis operationibus et omnibus aliis pertinentiis ad predictam medie[tat]em [pertin]entibus illam scilicet medietatem [m]olendinorum quorum altera medietas ad priorem et conventum Du[n]elmensis ecclesi[e] per[tin]et habendam et ten[en]dam in perpetuum libere quiete et [h]onorifice in omnibus libertatibus et liberis consuetudinibus ad predicta molendina pertinentibus post decessum magistri Petri aurifabri cui in tota vita sua dictam medietatem dictorum molendinorum dedimus ita quod dicto hospitali unam marcham argenti annuatim dum vixerit reddat medietatem ad Pentecost[en] et medietatem ad festum Sancti Martini et post ipsius decessum dicta medietas dictorum molendinorum ad predictum hospitale integre et sine diminutione aliqua revertatur Volumus etiam et precipimus quod ad omnia necessaria predicte medietatis predictorum molendinorum tam stagnorum quam pischariarum reficienda procurator predicti hosp[it]alis et fratres quandocumque necesse fuerit marremium de foresta nostra sufficienter ad maius aisiamentum eorum per visum forestarior[um nost]rorum habeant Hiis testibus B priore Dunelmensi A Dunelmensi et Karleolensi archidiacono magistro Willelmo Blesensi archidiacono de Bukingh magistro Waltero de Wiseb[e]ch Arn[aldo] procuratore de Sireburn Alexandro Nolano Radulfo capellano Hberto medico Rogero de Applind Willelmo de Wessinton Willelmo Briton Willelmo Lexoviensi Willelmo N[ob]ili Rogero de Camera Galfrido de Aucl Reginaldo dabelin Ricardo de Sireburn Ricardo clerico de ponte et multis aliis