Charter Document - 03280231
| Charter Number: | 03280231 |
|---|---|
| Cartulary Title: | Durham 1196-1237 Volume 25 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1202 - 1203 |
| Date type: | Assigned |
| Resource Link(s): |
|
Charter:
Philippus dei gratia Dunelmensis episcopus priori et conventui sancti Cuthberti et archidiaconis et omnibus sancte matris ecclesie filiis salutem Notum facimus universitati vestre nos dedisse et presenti carta confirmasse deo et sancto Bartholomeo et sanctimonialibus de Novo Castello omnes donationes quas predecessores nostri W et Hugo eis dederunt et confirmaverunt scilicet Stellinglei cum omnibus pertinenciis suis in bosco et plano in aquis et piscariis in viis et semitis in divisis et exitibus in pratis et molendinis Et quicquid continetur infra divisas de Stellinglei sit extra forestage et in foresta nostra pascua ad averia sua habebunt et quiete per forestam erunt de panagio Meremium et fohal et closturam et virgas in foresta nostra ubi eis sit magis ad aisiamentum habebunt Quare volumus et firmiter precipimus ne vicecomes vel forestarius vel prepositus nec aliquis ministrorum eorum invasionem in domos vel in terras earum faciat ad namum capiendum vel contumeliam faciendam nec in hospiciis capiendis nec in aliis molestiis faciendis Hec autem omnia donamus eis in puram et liberam et perpetuam elemosinam existere sicut in cartis predictorum predecessorum nostrorum plenius continetur Hiis testibus B priore Dunelmensi Hamerico Dunelmensi et Karleolensi archidiacono et domini pape subdiacono et Petro Thebert nepotibus nostris Henrico decano Nor[th]umbrie magistro Henrico de Dunelm officiale nostro et Giliberto officiale Nor[th]umbrie et W de Perci vicecomite Nor[th]umbrie Matheo persona ecclesie de Kerkebi Adam de Selebi Hugone clerico Helia filio Toraldi Riccardo Oisu Daniele de Novo Castro Rannulfo Bocha et Galerant servientibus nostris et aliis multis