Charter Document - 03280200

Phillippus dei gratia Dunelmensis episcopus omnibus videntibus vel audientibus has literas salutem Noverit universitas vestra quod cum dilecti filii nostri prior et monachi Dunelmenses cartis suis intervenientibus quibusdam clericis nostris tenerentur ad certos redditus prestandos scilicet magistro Iohanni de Londoniis xl marcas annuas donec ei redditum xl marcarum in aliquo certo loco assignarent et Iordano nepoti nostro xv marcas annuas donec ei redditum xxx marcarum in aliquo certo loco assignarent et magistro Edmundo x marcas donec redditum x marcarum haberet a prestatione predictorum reddituum prenominati prior et monachi omnino quieti sunt et prenominatis clericis secundum formam cartarum suarum sufficienter satisfecerunt Fideliter etiam promisimus et nos ipsos plegios constit[uimus quod numquam p]renominati monachi ab aliquo prenominatorum clericorum amplius vexabuntur super prestacione predictorum reddituum et quod prenominati clerici predictis monachis cartas suas sine aliqua detentione reddent et si qua forsitan retenta fuerit omnino viribus carebit Hoc idem etiam predicti clerici in presencia nostra fidei interposicione corroboraverunt His testibus