Charter Document - 03280194
| Charter Number: | 03280194 |
|---|---|
| Cartulary Title: | Durham 1196-1237 Volume 25 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1197 - 1208 |
| Date type: | Assigned |
| Resource Link(s): |
|
Charter:
Philippus dei gratia Dunelmensis episcopus omnibus sancte matris ecclesie filiis ad quos presens scriptum pervenerit salutem Noverit universitas vestra nos intuitu caritatis dedisse et concessisse et presenti carta confirmasse Willelmo Britoni clerico ecclesiam de Diteneshale cum capella de Puntasia et omnibus aliis pertinenciis suis habendam et tenendam quam diu vixerit reddendo annuatim priori et monachis Dunelmi iii marcas argenti ad luminare circa Corpus beati Cuthberti Quare volumus et precipimus quod idem Willelmus predictam ecclesiam cum prefata capella et omnibus aliis pertinenciis suis habeat et teneat in tota vita sua ita libere et quiete et honorifice sicut aliquis clericus aliquam ecclesiam in episcopatu nostro liberius quietius honorificentius tenet Hiis testibus Americo archidiacono magistro Waltero de Wisebec magistro Willelmo de Lundoniis magistro Alexandro medico magistro Simone de Ferligton magistro Waltero decano de Pitigdune Nehalo capellano Radulfo capellano de Midelham Galfrido de Coineres Galfrido de Auclent Iohanne de Mideltun Willelmo Habit Willelmo Constantin[i] Willelmo de Lisewis et multis aliis