Charter Document - 03280179
| Charter Number: | 03280179 |
|---|---|
| Cartulary Title: | Durham 1196-1237 Volume 25 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1197 - 1204 |
| Date type: | Assigned |
| Resource Link(s): |
Durham Cathedral Archive - Register II (f271v) Durham Cathedral Archive - Register II (f149v) |
Charter:
Philippus dei gratia Dunelmensis episcopus omnibus hominibus totius episcopatus sui Francis et Anglis salutem Sciatis nos reddidisse Thome de Aclee et heredibus suis villam de Cwithwrd quam ipse et antecessores sui prius in drengagio tenuerant per has divisas a propinquiori fossato quod claudit parcam nostram versus Cwithwrd usque ad Ydreburne et sicus Ydreburne cadit in Were et per alias rectas divisas inter ipsam et vicinas villas habendam et tenendam sibi et heredibus suis de nobis et successoribus nostris libere quiete et honorifice faciendo nobis et successoribus nostris servitium quarte partis feodi unius militis pro omni alio servitio auxilio consuetudine et exactione Et pro hoc relaxamento drengagii quietum clamavit nobis et successoribus nostris de se et heredibus suis terram et nemus quod est veteri fossato parce usque ad vivarium versus Auclent et sexcies viginti marcas nobis dedit Quare volumus et precipimus quod predictus Thomas et heredes eius predictam villam de Cwithewrd per predictas divisas habeant et teneant de nobis et successoribus nostris per predictum servitium libere quiete et honorifice in bosco et plano in pratis et pascuis in moris et mariscis et communi pastura in aquis stagnis et molendinis in terris cultis et incultis in viis et semitis in introitibus et exitibus cum omnibus libertatibus et liberis consuetudinibus ad predictam terram pertinentibus salvo cuiuslibet iure Hiis testibus Aimerico archidiacono Dunelmensi Petro Thebert Leone de Heriz Iordano Escolland Roberto filio Meldredi Roberto de Amundevill Gaifrido filio Gaifridi Rogero Daudr Roberto filio Thome Waltero de Mosterz Willelmo de Latton Symone de Autrop Galfrido de Conieres Winelmo de Elton Iohanne de Torp Willelmo Silvedon et aliis multis