Charter Document - 03274002
| Charter Number: | 03274002 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1184 |
| Date type: | Internal, A.D., Feast |
| Resource Link(s): |
|
Charter:
Anno incarnationis dominice MCLXXXIIII in crastino annuntiationis beate Marie facta est hec conventio inter Germanus priorem Dunelmensem et capitulum et Rannulfum de Fisseburne scilicet quod ipse prior et conventus concesserunt ei et heredibus suis cantariam capelle sue de Herdwich ita quod ipse prior faciet de serviri eidem capelle per capellanum suum de Heseldene duobus tantum diebus in ebdomada per totum annum scilicet die dominica et vi feria et in quadragesima et in adventu domini tribus tantum diebus in ebdomada scilicet die dominica et iiii feria et vi feria nisi erga capellanum matricis ecclesie de Heseldene effecerint quod gratia eius plus habeant Et si in hiis diebus aliquod festum evenerit in quo prefatus Rannulfus et familia eius matricem ecclesiam de Heseldene adire solent diei illius loco alia dies in servitio capelle sue recompensabitur et ipsi ad matricem ecclesiam venient Et pro hoc servitio capelle sue habendo dedit prefatus Rannulfus priori et capitulo et matrici ecclesie de Heseldene duodecim acras terre et unum toftum in villa sua de Herdwich in liberam elemosinam et quietam ab omni servitio et exactione Ita tamen quod propter illud servitium matrix ecclesia de Heseldene in nullo minuatur neque in pane benedicto neque in cera neque in aliis obventionibus et homines sui ad matricem ecclesiam venient sicut facere solent Et si forte prenominatus Rannulfus vel heredes sui contra predictam conventionem in aliquo venerint dedit dominus Hugo Dunelmensis episcopus quo mediante hec conventio facta est auctoritatem priori et capitulo interdicendi memoratam capellam et sub interdicto tenendi donec iam dictus Rannulfus et heredes sui ad satisfactionem veniant competentem Testibus ipso domino episcopo Willelmo archidiacono Simone camerario magistro Ricardo de Cold magistro Willelmo Blesensi Willelmo de Hoved magistro Ricardo de Lindeseie magistro Stephano de Lincolnia magistro Bernardo Arnaldo Simone Adam capellanis episcopi magistro Hamone Willelmo elemosinario Radulfo de Cestria