Charter Document - 03272002
| Charter Number: | 03272002 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus Northumbrie comes omnibus baronibus militibus et hominibus totius episcopatus sui Francis et Anglis salutem Sciatis nos dedisse et concessisse et presenti carta confirmasse Laurentio camerario nostro de eschaetis nostris villam de Crawcrooke pro servitio et homagio suo habendam et tenendam sibi et heredibus suis de nobis et successoribus nostris in feodo et hereditate reddendo inde singulis annis nobis et successoribus nostris viginti solidos ad quatuor terminos in episcopatu constitutos redimendo per eosdem viginti solidos liberum servitium suum quantum pertinet ad feodum unius militis Quare volumus et firmiter precipimus quod idem Laurentius habeat et teneat eandem villam de Crawcrooke cum omnibus pertinentiis suis de nobis et successoribus nostris sibi et heredibus suis in terris cultis et incultis in pratis et pascuis in viis et semitis in aquis et molendinis et stagnis et in omnibus aliis rebus ad predictam villam pertinentibus libere et integre quiete et honorifice per predictum liberum servitium viginti solidorum per annum pro omnibus aliis servitiis et consuetudinibus vel exactionibus salva in omnibus foresta nostra Ita tamen quod tam ipse Laurentius quam homines sui de eadem villa de Crawcrooke habeant aisiamenta localium et aliorum que necessaria fuerint ad edificia sua de eadem villa per visum servientium nostrorum de eadem foresta sine wasto His testibus Henrico de Puteaco Gilberto de Leia Phillipo filio Hamonis