Charter Document - 03272001
| Charter Number: | 03272001 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1189 - 1195 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus Northumbrie comes baronibus militibus et omnibus hominibus comitatus sui Northumbrie salutem Sciatis nos licentiam dedisse et concessisse et presenti carta confirmasse Wilelmo priori et conventui de B[rinkburne] extendendi sepem suam super wastum nostrum a cornu inferioris Heley per rivulum aque usque ad flumen Coket ad comprehendendum xviii acras terre infra sepem suam ultra quam prius habebant reddendo inde nobis et successoribus nostris comitibus Northumbrie singulis annis iii solidos ad duos terminos scilicet xviii denarios ad festum sancti Michaelis et xviii denarios ad Pascham Quare volumus et firmiter precipimus quod predicti prior et conventus predictas xviii acras cum predicta sepe sua habeant [et] teneant inperpetuum per predictum liberum servitium solutas liberas et quietas ab omni alio servitio et consuetudine et auxilio et ab omni placito et foris factura et reguardo forestariorum Hiis testibus Henrico de Puteaco Willelmo Bertram Rogero de Merlay et aliis