Charter Document - 03270173
| Charter Number: | 03270173 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1184 - 1185 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus priori archidiaconis et omnibus baronibus et probis hominibus totius episcopatus sui Francis et Anglis salutem Sciatis nos concessisse et presenti carta confirmasse Radulfo filio Paulini de Eboraco tenendam de nobis et successoribus nostris in feodum et hereditatem sibi et heredibus suis tertiam partem ville de Garmundesweia cum omnibus ad eam pertinentibus quam ipse tanquam rectus et legitimus heres patris sui de sponsa natus in curia beati Cuthberti et nostra per finem duelli contra Ilgerum de Kilton et Walterum et Radulfum de Garmundesweia conquisivit Qui etiam duas partes eiusdem vine pro utilitate propria et honore maximo quem in curia nostra super eadem conquisitione per exhibitionem iustitie nostre suscepit et pro lxiiii marcis quas ad expensas suas adquietandas in eiusdem conquisitionis prosecutione factas ei donavimus nobis de se et heredibus suis quietas clamavit ad dandum in elemosinam pro anima patris sui et antecessorum suorum leprosis fratribus hospitalis beati Lazari et sancte Marie Magdalene de Sirbornia Quare volumus et firmiter precipimus quod predictus Radulfus et heredes sui libere quiete et honorifice teneant et habeant predictam tertiam partem predicte ville cum omnibus rebus ad eam pertinentibus per servitium none partis unius militis Idem vero Radulfus predictam tertiam partem eiusdem ville nostra concessione et confirmatione tradidit concessit et carta sua confirmavit predictis leprosis fratribus predicti hospitalis de Sirborn tenendam et habendam in perpetuum de se et heredibus suis ad firmam ad disponendum de eadem ad libitum eorum reddendo eidem Radulfo et heredibus suis annuatim iiii marcas ii videlicet ad Pentecosten et ii ad festum sancti Martini quas apud Sirborn ad predictos terminos recipiunt liberam et quietam ab omni alio servitio et consuetudine Sciendum tamen est quod predicti fratres adquietabunt eum et heredes eius erga Dunelmensem episcopum tam de relevamine quam de scutagiis et auxiliis et omnibus aliis rebus ad episcopum vel regem pertinentibus Hanc autem conventionem predicti fratres predicto Radulfo et heredibus eius integre et bona fide sine malo ingenio in perpetuum observabunt nisi forte communis vastatio patrie et illius terre venerit pro qua dum fuerit vel penitus a firma liberabuntur vel secundum modum vastationis alleviabantur His testibus G priore Burchardo et Willelmo archidiaconis Simone camerario magistro Willelmo Blesensi Willelmo de Hoveden Philippo vicecomite Gilberto de Leia Iordano Escolland Osberto de Latton Rogero de Epplingden Rannulfo de Fisseburn Willelmo filio Thome Ricardo de Punchard Henrico del Broc Rogero de Audri Philippo de Colevill Petro Harpin et multis aliis