Charter Document - 03270160
| Charter Number: | 03270160 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 - 1174 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus omnibus hominibus suis de Hovedenesira et Welletonesoke Francis et Anglis salutem Sciatis nos reddidisse et concessisse et presenti carta confirmasse Ade filio Willelmi de Warrum et heredibus suis villam de Iukefluet tenendam de nobis et successoribus nostris in feudum et hereditatem cum molendino et omnibus rebus ad eam pertinentibus sicut pater suus eam liberius et honorabilius de nobis tenuit reddendo singulis annis iiii marcas de firma ad quatuor terminos in Hovedenesira constitutos Quare volumus et precipimus ut predictus Adam et heredes sui terram prenominatam quam patri suo dedimus qui eam eidem filio suo concessit et heredem eum nobis presentavit libere et honorifice de nobis et successoribus nostris teneant in terris cultis et incultis in pratis et pascuis et molendino et aquis et in omnibus rebus ad eam iuste pertinentibus per idem servitium quod predictum est et per easdem libertates quas pater suus habuit His testibus Burcardo et Iohanne archidiaconis Simone camerario Willelmo filio Tosti Gileberto Hausard Waltero de Wivertorp Radulfo Haget vicecomite Iurdano Hairun Henrico Papede Michaele filio Brieni Simone Vitulo Durando filio Willelmi et Hereberto cognato suo et multis aliis