Charter Document - 03270158

Hugo dei gratia Dunelmensis episcopus priori archidiaconis baronibus et omnibus hominibus totius episcopatus sui Francis et Anglis salutem Sciatis nos concessisse et presenti carta confirmasse burgensibus nostris de Weremue liberas consuetudines in burgo suo secundum consuetudinem burgensium de Novo Castello scilicet quod liceat eis nammiare rusticos et ceteros in rure habitantes infra burgum suum si eis debita debuerint sine licentia prepositi sui nisi forte ibi ab episcopo vel vicecomite vel senescallo missi fuerint ad negotia ipsius episcopi facienda burgensi tamen burgensem nammiare non liceat sine licentia prepositi si burgensis aliquid ac crediderit villano infra burgum et debitor debitum negaverit rectum faciat infra burgum ita tamen ne burgensis villanum per occasionem iniuste vexet loquele que in burgo moventur ibi tractentur preter illas que pertinent ad coronam si quis burgensis calumpniatus fuerit infra burgum placite nisi excessum in alio burgo fecerit ubi retentus vel per plegium positus fuerit et nisi curia eiusdem burgi de recto defecerit et nisi placitum ad coronam pertinuerit neque respondere cogatur sine die et termino nisi prius in stultam responsionem inciderit si navis apud Weremue applicuerit que abire voluerit quilibet burgensis quamlibet mercem de illa navi emat si quis ei vendere voluerit si placitum fuerit inter burgensem et mercatorem errantem infra tertiam maris influxionem rectum inter se faciant mercationes que per mare burgo asportantur ad terram portari debent preter sal et allec que debent vendi in navi vel in burgo ad libitum venditoris quicumque terram in burgo tenuerit uno anno et una die iuste et sine calumpnia et calumniator fuerit infra regionem non debet calumpniatus respondere set si calumniator puer fuerit qui etatem placitandi non habuerit tunc ei respondebit si burgensis habeat filium suum in domo sua ad mensam suam filius eandem libertatem habeat quam pater suus si villanus ad burgum veniat manere et uno anno et una die terram et domum in burgo tenuerit sine calumpnia et prolocutione domini sui vel propria sua prolocutione usque ad aliquem terminum remaneat in burgo sicut burgensis cuilibet burgensi liceat vendere terram suam et ire quo voluerit nisi terra sua in calumpnia fuerit si quis burgensis appellatur de loquela unde bellum debet surgere ab aliquo villano vel in rure habitante defendat se per legem civilem scilicet per xxxvi homines nisi de tali scelere appellatur pro quo recte se debeat per duellum defendere nec burgensis contra villanum si eum appellaverit debet pugnare nisi ante calumpniam de burgagio exierit foris factum burgensis erga prepositum est de vi oris in burgo non debet blodwite nec merchete nec heriot nec stengesdint exigi cuilibet burgensi liceat habere fumum suum et molam manualem salvo iure domini episcopi si quis de pane vel cervisia venditi cia in foris factum ceciderit erga prepositum solus prepositus se intromittat si bis foris fecerit det foris factum suum si autem tertio foris fecerit communi consideratione burgensium fiat de illo vel de illa iustitia burgensi liceat bladum suum ducere de patria quo voluerit sine licentia nisi commune interdictum domini episcopi totam terram de non educendo factum fuerit burgensi licet dare vel vendere cui voluerit terram suam sine licentia et sine concessum heredis sui quam ipse de proprio catallo suo emerit Preterea volumus ut liceat burgensibus adquitere ad usum suum tam mairemium quam focalia eadem libertate qua burgenses Dunelmenses sibi adquirunt Liceat etiam eis communem pasturam habere sicut eis ab initio concessimus et per ambulari fecimus Hanc vero consuetudinem nobis retinemus in piscibus emendis apud Weremue quam habet Robertus de Brus apud Herterpole de suis hominibus Volumus autem et firmiter precipimus quod ipsi predictas consuetudines et libertates libere quiete et honorifice de nobis et successoribus nostris habeant et teneant Hiis testibus Germano priore [Burcardo] archidiacono Symone camerario magistro Ricardo de Coldingeh magistro Stephano Lincoln magistro Bernardo Henrico marescaldo Arnaldo Adam et Symon capellanis Gilberto de Leia Philippo vicecomite Iordano Escoland Alexandro de Hilton Gaufrido filio Ricardi Rogero de Epplingden