Charter Document - 03270149
| Charter Number: | 03270149 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1195 |
| Date type: | Assigned |
| Resource Link(s): |
Durham Cathedral Archive - Register II (f162v) |
Charter:
Hugo dei gratia Dunelmensis episcopus baronibus militibus et omnibus hominibus suis Francis et Anglis salutem Sciatis nos concessisse dedisse et presenti carta confirmasse Ade filio Walteri de Stoktona servienti nostro pro homagio et servitio suo et pro xv marcis quas in magna necessitate nostra nobis donavit ad acquietandum nos erga dominum regem de debito quod ei debebamus pro manerio et wapentaco de Seberg ad opus nostrum et ecclesie nostre et successorum nostrorum unam carucatam terre in villa de Prestona quam propria pecunia nostra emimus de Willelmo filio et herede Baldewini et quam idem Willelmus per quemdam baculum nobis reddidit et de se et heredibus suis inperpetuum quietam clamavit habendam et tenendam eidem Ade et heredibus suis de nobis et successoribus nostris in feodum et hereditatem reddendo inde nobis et successoribus nostris annuatim decem solidos ad quatuor terminos in episcopatu constitutos pro omni alio servitio et consuetudine et auxilio et pro omni alia demanda que ab eo inde exigi possit Quare volumus et firmiter precipimus quod predictus Adam et heredes eius post eum predictam carrucatam terre habeant et teneant in feodum et hereditatem per predictum liberum servitium decem solidorum sicut predictum est libere quiete et honorifice cum toftis et croftis et cum omnibus aliis rebus ad predictam carucatam terre pertinentibus in terris cultis et incultis in pratis et pascuis in viis et semitis et exitibus et omnibus aliis aisiamentis et libertatibus ad predictam carucatam pertinentibus Hiis testibus Henrico de Puteaco Philippo vicecomite Gilberto de Leya Roberto de Wattevill Gaufrido filio Ricardi Iordano Escolland Willelmo filio Thome Thoma de Amundevill Henrico de Ferligton et Waltero fratre eius Philippo de Colevill Roberto filio Meldredi Laurentio camerario Rogero de Audri Petro Harpyn Waltero de Wessyngton Gaufrido de Herdwyc et multis aliis