Charter Document - 03270139

[Hugo dei gratia] Dunelmensis episcopus universis sancte matris ecclesie filiis presentibus [et futuris ad q]uos presens scriptura pervenerit salutem Cum inter ec[clesiam nostram et] monasterium sancti Albani super ecclesiam de Tynemutha et [pertinentia eius] controversia verteretur tam nos quam ecclesia nostra prefat[e liti et petitioni] ecclesie de Tynemutha et ad eam pertinentium inperpetuum renuntiavimus nomine transactionis dederunt nobis ecclesias [de Bywelle] et de Edelvingeham Nos etiam pro bono pacis in consideratione ho[nestatis et] religionis que in prenominato monasterio sancti Albani vigere d[inoscitur] tam nostro quam ecclesie nostre nomine concessimus ut abbas sancti Albani et [mona]chi de Tynemutha de ecclesiis quas in parochia nostra habent decedenti[bus] personis presentibus supra quam tempore facte tran[saction]is solvere [con]sueverant quadraginta marcas annuas percipiant quas in hun[c] modum duximus assignandas de ecclesia de Wdehorna que cum du[a]bus capellis de Widrintona et de Newebigginge preter capellam de Hortuna quatuordecim marcas solvere consueverat sex marcas de incremento percip[iant] videlicet post decessum Ricardi clerici viginti marcas de ecclesia de Hertburna [que] duas marcas sol[ve]bat decem de incremento [id est post] decessum [Roberti] clerici duodecim marcas percipient salvo iure [Utredi et] Roberti in eadem [ecclesia] quamdiu vixerint de ecclesia de Cunesclive que prius [viginti solidos] solvebat qui[nque] marcas et dimidiam post decessum Ade clerici [videlicet] quatuor marcas de aug[men]to salvo iure Heremeri de ecclesia vero de E[gelinge]ham que tres marc[as] abbati sancti Albani solvere consueverat post decessum magistri W[alteri] de Insula perciperet idem abbas preter tres predictas marcas vigint[i marcas] et completa erit summa quadraginta marcarum Nos vero ex libe[ralitate] nostra amore predicti abbatis et monasterii sancti Albani prescriptis vi[ginti tribus] marcis septem marcas ad[iecimus ut videlicet defuncto magistro Waltero] abbas et monachi sancti Albani triginta marcas annuas de [Egulvinge]ham et pertinentiis eius percipiant ita quod ut si residuum [admi]nistranti honeste sufficere non possit ad synodalia solven[da et ad debi]ta episcopalium consuetudinum onera sustinenda abbas quod [defuerit] supplere debebit Ut igitur hoc a nobis supradicto ordine cons[titutum firmi]ter observetur pontificali auctoritate prohibemus ne quis [hoc aliquo] tempore presumat infringere Hiis [testibus Germano priore Dunelmensi Bur]cardo et Willelmo archidiaconis Dunelmensibus Symo[ne camerario magistro Ricardo] de Coldingeham Henrico dapifero Roberto de Adin[tona Willelmo filio archi]episcopi Alano de Walesende magistro Aristotile Roberto clerico N[orwicensi Radulpho] clerico de Waldene