Charter Document - 03270137

Hugo dei gratia Dunelemensis episcopus et Germanus prior totusque eiusdem [ecclesie conventus] universis sancte matris ecclesie filiis presentibus et futuris [salutem Celeberri]me consuetudinis usus optinuit ut rerum series ad ho[norem dei et pro] ecclesiarum pace gestarum litteris commendetur que et earum debean[t perpetuare me]moriam et preteritorum posteris recentem notitiam represe[ntent Ea propter] universitati vestre litteris presentibus innotescat quod cu[m inter ecclesiam nostrum] et monasterium sancti Albani super ecclesiam de Tynemutha [et pertinentia eius] quam nobis de antiquo iure competere dicebamus con[troversia verteretur] et causa fuisset venerabili patri nostro Rogero dei gratia Wig[omensi episcopo et magistro Iohanni de Saresb Exoniensis] ecclesie thesaurario et Roberto venerabili decano [Eboracensi a sum]mo pontifice domino Alexandro tertio delegata duobus eorum [domino videlice]t Wigornensi et magistro Iohanne apud Warewic in iure residentibus [tertio absen]tiam suam ex causis necessariis per litteras excusante inter nos et predict[tum mo]nasterium sancti Albani sub hac pacis forma convenit Nos siqui[de]m liti predi[cto et] repetitioni ecclesie de Tynemutha atque ad eam pertinentium tam ipsis iudicibus quam ceteris qui aderant religiosis sapi[en]tibus viris ad hoc operam dantibus inperpetuum renuntiamus Abbas vero et conventus sancti Albani pro bono pacis et prefata renuntiatione [de]derunt nobis et scripto suo auctentico confirmarunt ecclesias de Biwelle et de Edelingham cum omnibus ad eas ecclesias pertinentibus iure [perpet]uo possidendas [Volen]tes igitur prescriptam [tr]ansactionem et mu[tua]m inter nos [caritatis] vicissitudinem perpetuis temporibus observari [su]pradicto monasterio sancti Albani prenominatam ecclesiam de Tynemutha [cum] universis ad eam pertinentibus presentis scripti testimonio con[cessimus] inperpetuum possidendam Siqu[ando litem] nobis super prenomi[natis ecc]lesiis vel [alterutra earum] contigerit suscitari abbas et monachi sancti [Albani] cum nulla munimenta in quibus ille tantum ecclesie confirmentur [nisi cum] aliis possessionibus habeant instrumenta que super ipsis ecclesiis [cum alii]s possessionibus habeant ad defensionem nostram exhibebunt Hiis test[ibus Burcardo et Willelmo archidiaconis] Simone camerario magistro Ricardo [de Coldingeha]m Henrico dapifero Roberto de Adingtona Willelmo filio [archiepiscopi] Alano de Walesende magistro Aristotile Roberto clerico [Norwicensi Ra]d[ulpho] clerico de Waldene