Charter Document - 03270129
| Charter Number: | 03270129 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 - 1167 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus omnibus sancte matris ecclesie filiis presentibus et futuris litteras has legentibus sive audientibus salutem Sciatis me concessisse et presenti carta confirmasse compositionem inter monachos sancti Cuthberti de Dunelmo et monachos sancte Marie de Rievalle factam super decimas de Cotum que ad matricem ecclesiam de Alvertun pertinent scilicet quod monachi Rievallenses persolvent monachos de Dunelmo iii marcas argenti annuatim in recompensatione decimarum de Cotum sicut cyrographum inter eos factum testatur Et sciendum quod monachi de Dunelmo liberam habebunt facultatem repetendi decimas suas sicut habuerunt tempore quo hec conventio facta est si monachi Rievallenses ab hac conventione resilire voluerint atque tres marcas pro predictis decimis monachis de Dunelmo persolvere annuatim noluerint Et quamdiu iii marcas dabunt decima illa in pace libere et quiete tenebunt