Charter Document - 03270121
| Charter Number: | 03270121 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1183 - 1195 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus omnibus baronibus militibus et omnibus hominibus totius episcopatus sui Francis et Anglis salutem Sciatis nos dedisse et concessisse et presenti carta confirmasse Rogero de Reding pro homagio et servitio suo villam nostram de Neutona iuxta Dunelm cum omnibus ad eam pertinentibus habendam et tenendam de nobis et successoribus nostris sibi et heredibus suis reddendo inde nobis et successoribus nostris octo marcas argenti ad quatuor terminos in episcopatu constitutos pro omni alio servitio et consuetudine et exactione Quare volumus et firmiter precipimus quod idem Rogerus et heredes e ius predictam villam de Neutona per rectas divisas suas per predictum liberum servitium octo marcarum habeant et teneant in feodo et hereditate libere quiete et honorifice cum hominibus et homagiis in terris cultis et incultis in pratis et pascuis in stagnis et aquis et molendinis in viis et semitis et exitibus et cum omnibus aliis aisiamentis et libertatibus quas alii liberi tenentes nostri in foresta nostra manentes habent et tenent salva in omnibus aliis foresta nostra Hiis testibus Burchardo et Willelmo archidiaconis Simone camerario magistro Willelmo Blesensi magistro Ricardo de Coldigham Willelmo de Hovenden Willelmo filio archiepiscopi Henrico de Puteaco Gilberto de Leia Philippo vicecomite Philippo de Collevill Henrico de Ferligton Roberto de Wattevill Iordano Escoland Gaufrido filio Ricardi Gilberto camerario Laurentio camerario Ricardo de Ely et multis aliis