Charter Document - 03270107
| Charter Number: | 03270107 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1154 - 1159 |
| Date type: | Assigned |
| Resource Link(s): |
|
Charter:
[H]ugo dei gratia Dunelmensis episcopus omnibus salutem Notum sit vobis nos dedisse et concessisse Roberto abbati Novi Monasterii eiusque successoribus et monachis ibidem deo servientibus in puram et perpetuam elemosinam Cheppwell cum omnibus pertinentiis suis in bosco et plano in pratis et pascuis in aquis et molendinis per has divisas scilicet a fonte qui dicitur Milkewelle sicud currit in Derewentam et a superiori parte per viam que dicitur Ledehepesweye usque ad nemus quod vocatur Fulscaleside sicud campus et silva adunantur usque in Lynnebum et per eundem rivulum usque ad Rudeforde et exinde per viam usque ad Hangandeswell et inde usque ad Gladenehefde usque ad Fifakes et deinde per viam que dicitur Lincestrete usque in vadum de Lince et ex australi parte de Derwent a Birdene usque ad aquam que vocatur Pont in longum et in latum a predicta Derwent usque ad fossatum que ex concessione nostra fecerunt ita quod transversum ipsius latitudinis duarum quadra tenarum sit in hiis locis scilicet primum transversum a Birden sursum sumatur secundum quidem contra Histlihalch tertium ubi rupes rubea descendit in Derwent et inde per predictum fossatum usque in Pont ubi quartum transversum sit duarum quadra tenarum Et insuper eisdem monachis dedimus salinas super Bliam in Bellintonesir et aquam quam habuerunt tempore Roberti de Bellignton Hec omnia supradicta libera et quieta ab omni seculari servitio et exactione in perpetuam elemosinam prefate abbathie dedimus et episcopali auctoritate presenti carta confirmamus in escambium pro Wlsingham quam predecessor noster bone memorie Guillelmus episcopus eisdem monachis dederat et concesserat et carta sua confirmaverat Hiis testibus