Charter Document - 03270106
| Charter Number: | 03270106 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1194 - 1195 |
| Date type: | Internal, A.D. |
| Resource Link(s): |
|
Charter:
Hugo dei gratia Dunolmensis episcopus omnibus sancte matris ecclesie filiis ad quos littere iste pervenerint salutem Noverit universitas vestra quod nos anno domini millesimo CXCIIII pridie ante conversionem sancti Pauli vicariam ecclesie beati Nicholai de Novo Castello super Tynam nostre dioecesis alias in eadem ordinatam de unanimi consensu dilectorum filiorum nostrorum prioris et conventus Karliolensis dictam ecclesiam beati Nicholai in usus suos canonice optinentium portionem infrascriptam pro sustentatione vicarii eiusdem qui est et pro tempore erit in eadem ex nostri pastoralis officii debito taxamus statuimus et ordinamus videlicet quod quilibet vicarius illius ecclesie qui pro tempore fuerit pro sustentatione sua et portione congrua percipiat et habeat omnes fructus proventus oblationes obventiones quascumque ad dictam ecclesiam qualitercumque pertinentes in quibuscumque rebus existentes decimis garbarum dicte ecclesie dumtaxat exceptis