Charter Document - 03270101
| Charter Number: | 03270101 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1195 |
| Date type: | Assigned |
| Resource Link(s): |
Durham Cathedral Archive - Cartulary II (f169r) |
Charter:
Hugo dei gratia Dunelmensis episcopus omnibus hominibus totius episcopatus sui Francis et Anglis salutem Sciatis nos concessisse et presenti carta confirmasse Emme sorori Walteri de Monasteriis et heredibus suis de illa natis sexies viginti acras terre in Bredbir quas prenominatus Walterus frater suus ei dedit et concessit et carta sua confirmavit tenendas de se et heredibus suis cum croftis et toftis et omnibus aliis libertatibus sicut carta predicti Walteri testatur reddendo inde annuatim unam libram piperis ad festum sancti Cuthberti in Septembri pro omni servitio et consuetudine excepto forinseco servitio de quo faciet quantum pertinet ad iiii bovatas terre in Bredbir Quare volumus et precipimus quod prefata Emma et heredes sui de illa nati habeant et teneant predictam terram cum omnibus ad eam pertinentibus libere quiete et honorifice per predictum servitium sicut in carta predicti Walteri continetur Testibus Willelmo archidiacono Simone camerario Philippo vicecomite Rogero de Coisnerez Henrico de Puteaco Henrico de Broc Gilleberto de Leia Gaufrido filio Ricardi Alexandro de Helt Iordano Escollant Gaufrido de Torp Osberto de Laton Roberto de Wattevill Ricardo de Parca et Gaufrido filio eius Roberto de Hoton Drogone de Middleham Radulfo de Monasteriis